Wow, 終於完成期考!!!!
今次CC花了相當的effort和時間去準備考試﹐
Mama只求妳過程中認真學習和比自己過去有進步﹐
盡力過後便是我哋work hard play hard的reward時間﹐
亦即係康樂部Mama出場的時間了﹐ 呵呵呵 : )
(我的角色對於一個家庭平衡是相當重要耶!)
考完試的第一節目﹐
兩姐弟久別重逢的午間Playdate !!!
說起來真陰功﹐
兩豆丁都唔知幾耐無一齊係下晝同Mama一齊玩。
邀請佢地係云云禮物山中選擇開一份0黎玩﹐
兩姐弟竟然難得的一致指住盒LEGO....
哈哈哈應該喉左好一陣子了吧!!!!
而家D LEGO好organized, 大包小包分類pack得好好﹐讚!
(Mama因為今朝剛飛完通宵班回家﹐
好眼訓但又想陪佢地玩wor....
索性係我床開個LEGO檔比佢地啦)
Mama,玩到99歲都0岩玩0架﹐
妳得25歲﹐可以一齊同我地玩好耐﹐好0野 ~~~~
逗得Mama好高興啊!!!
讀書時認真﹐
玩0既時候同樣要有認真的態度 : )
兩豆丁一邊自由創作一邊密密針:
好想去Legoland新開個waterpark啊﹐
Legoland酒店張床唔知係唔係用Lego砌0既呢???
兩位LEGO big fans﹐
下學期繼續努力﹐
康樂部期望暑假make your dream come true ~~~
個人好喜歡LEGO的創意,
尤其是呢類非主題性的LEGO,
可以讓小朋友自由創作配合他們心中的小故事﹐
邊玩邊訓練他們的想像力﹐很是有趣的!
好似今日佢地結果合力完成左一個名為[CC樂園] 0既作品﹐
作為送比CC0既Post-exam禮物﹐
左一舊右一舊其實都幾考他們耐性﹐
我驟眼看其實都唔係好知佢地砌左D mud東東﹐
不過在我眼內過程永遠比結果重要﹐
兩姐弟係玩樂中妳一言我一語的互動﹐
看他們的搞笑溝通和Role Play已經教我樂透半邊天了!
康樂部Mama的話:
其實學習和遊戲一樣﹐
過程比結果重要﹐
所以Mama從來並不需要你們跑在前線﹐
如前言所說﹐
有認真有盡力有付出便夠了!
CC妳今年的進步我們都看得到﹐
呢個Weekend盡情work hard play hard吧!!!!!
