12 Apr 2014
又一年。
雖然已經係老夫老妻但係拖手仔紀念日都要慶一慶,
無當年邊有今日 : )
大日子當然係去一家大細都0岩玩足全日的Disneyland!
由大學至今16年, 時間過得好快。
兩粒豆丁由出世到而家都係Disney Super Fans,
亦好榮幸Disney好多Special Moment都有invite我地一家去見證和參與,
係呢度實在有過太多快樂時光,
佢地一直對Disney有好深厚的情意結.
上月推出的[信迪士尼星級款待 ] Program,
讓Dadi Mami可以按仔仔女女的喜好來選擇各項星級活動.
一班演藝人員花盡心思和創意
為我地今天的大日子想出許多特別的奇妙時刻.
呢日行行下美國小鎮大街有演藝人員同豆丁玩遊戲啦,
又準備了好多特別設計的拍照道具比愛拍照的飛家拍下鬼馬相片 : )
其中CC和LoLo的Magic Moment就係小小世界發生....
坐完船仔環遊世界後
演藝人員為豆丁穿上小小世界工作背心
Wow!!! 原來安排了CJ幫手派貼紙送給小朋友,
很特別和有趣的工作體驗呢 !
家姐比細佬怕醜啊
不過派到後期都漸入佳境, good try!
完全驚喜的安排
佢地玩得開心之餘
亦係玩0既過程中學到積極嘗試和永不放棄的態度
Mama好欣賞這特別的奇妙時刻呢!
任務完成, 飲返杯慶祝下先!
係反斗奇兵大本營的翠絲小食車找到全新推出的芒果都樂梳打,
夠消暑又夠甜蜜
爭取時間繼續玩繼續玩 ~~~~
LoLo十分期待2016 Ironman係Disney的誕生。
是晚我地獲安排享用星級煙花晚餐
我係最期待的一位
因為之前係度食過中式晚餐,
好好味, 一試難忘 : )
晚宴準時晚上六點開始
玩到無晒電...
係時候recharge & refill肚子!
星級煙花晚餐共8度菜
其中的翡翠帶子餃王和千島明蝦球讓我們吃得lamlamlei
LoLo更添了兩大碗蟹子海鮮炒飯呢
呢頓晚餐份量十足口味亦十分適合小朋友
值得一讚!
食到一半....停了上菜...
我們被送到VIP專區
欣賞星夢奇緣煙花表演.
當周圍都擠滿看煙花的人群,
而我們一出餐廳就被安排直達廣場最中心最有利的位置
你會感受到Disney對星級客人有多重視,
感覺很exclusive呢!!!
欣賞完煙花,
我們獲安排回餐廳與Disney朋友合照
( Wow不用在外面排長龍真係太.........好!!!)
舒舒服服的看煙花
舒舒服服的影相
再繼續舒舒服服的享受豐盛的中菜
為難忘的紀念日劃上完美句號.
帶住兩隻豆丁, 行程舒服真係好好好緊要
身為父母的大家, 一定懂的吧 : )
快樂的一夜
願我們一家四口手拖手共同迎接更美好的未來.
